يالعبد كانك عن الدين صديت : حمود بن جنبان المخاريم

[عيد المخاريم]

بسم الله الرحمن الرحيم


قصيده في الموعضه للشاعر حمود بن فهد بن جنبان المخاريم:

يالعبد كان انك عن الديـن صديـت=و الله ما تلقـى الوفـق و السعـاده
مهما جمعت من الملاييـن و ابليـت=تـرى حياتـك كلهـا فـي نـكـاده
متشتتٍ فكـرك ورا المـال تشتيـت=و رزقك يجي من غير نقص و زياده
خلك بذكر الله ليا اصبحت و امسيت=و اذكر صباح المـوت و لاّ هجـاده
و اذكر ليا منك على اللـوح شليـت=ما ينفعك يـا كـود حسـن العبـاده
و اذكر ليا من داخل القبـر حطيـت=و يمناك حطت تحت خدك و سـاده
و اذكر ليا من داخل القبـر خليـت=و منكر ليا جـاك و يـش الإفـاده
لا نافعـك حـيٍ ولا نافعـك ميـت=واللـي زرع لابـد يجنـي حصـاده
و اخلاف ذا ياللي لك اسجد و صليت=عبـدك تقبـل دعوتـه و اجتهـاده
يا رب تغفـر زلتـي كـان زليـت=طالبك حسـن الخاتمـه و الشهـاده

وسلامتكم ،

 

[براك المخـاريم]

عيد المخاريم هالقصيده كلما قرأت بيت منها توقفت عنده أتأمله بما فيه من موعظه مؤثره ،،،
قيل فى المثل ( كل إناء بما فيه ينضح) والشاعر القدير نضح بالدين ونصح المسلمين فلله دره من شاعر عرف كيف يستخدم موهبه الشعر فى خدمه الدين والنصيحه للمسلمين ،،،
يقول الشاعر: حمود بن جنبان المخاريم

يـــــــا رب تــغــفـــر زلـــتــــي كــــــــان زلــــيــــت=طــالــبــك حـــســـن الـخـاتــمــه و الــشــهـــاده

أسئل الله أن يتقبل منا ومنه هذه الدعوه،،،
عيد المخاريم لاهنت على الاختيار وكأنك تعرف ذائقتى فى القصيد،،
وتقبل منى خالص الشكر والتقدير،،،

 

[سلطان بن تركى]

بيض الله وجهك على نقل القصيده ..

وصح الله لسان الشاعر حمود بن فهد بن جنبان المخاريم ..

تقبل مروري .. ,

 

[عبدالله بن حمد الوداعين]

و اذكر ليا منك على اللـوح شليـت
ما ينفعك يـا كـود حسـن العبـاده
و اذكر ليا من داخل القبـر حطيـت
و يمناك حطت تحت خدك و سـاده


صح لسان الشاعر حمود المخاريم

ولاهنت يا عيد على النقل الموفق وبيض الله وجهك

في انتظار ابداعاتك


مغليكم / عبدالله بن حمد