قصيده قالها الشاعر القدير : محماس بن عايض بن مسفر المخاريم فى إبن عمه مسفر بن عيد بن مسفر المخاريم
أترككم مع القصيده/
ياسامـعٍ قولـي تـوح لمعانـيـه=تـوح قولـي وافتكـر للمعـانـي
ياطيـب رجـالٍ بعلمـك وش فيـه=طيبه ظهر من بين قاصي ودانـي
من طيب راسه هو من قبله ابيـه=يبني على ممشـاه زيـن المبانـي
كل العلـوم الطيبـه فـي مجانيـه=والطيب في الرّجال طيب المجانـي
مجناه مـن كـلّاب زيّـن مباديـه=كل العلـوم اللـي ورثهـا زيانـي
سميّ جـده واحـدٍ مـن اساميـه=مسفر واسمه فـي محيـاه بانـي
مسفر ولد عيد المنيعـي مسميـه=يبيه يظهـر مثـل نجـم اليمانـي
عـزالله انـه كامـلاتٍ مساعيـه=يسعى لجل كسب العلـوم السمانـي
من شان عز النفس يرفع مبانيـه=ماهوب يرضا منزلٍ فـي الطمانـي
نفسه على درب المراجـل تقديـه=في سيرتـه ماخاشـره اي ثانـي
الله من حسـن العلامـات معطيـه=حلم وتواضع والوصل في العوانـي
لـه مجلـسٍ كـلٍ يـودّه وياتيـه=مجلس شرف ماهوب مجلس اهداني
يرفع حجاج اللي من البعد ناصيـه=لاكلّحـة سـود اليـال الشيـانـي
عز الرفيق اللي على الوقت حاديه=يلقـا فـي بيـتٍ عزيـزه مكانـي
له في سنام المجـد مجـدٍ يناديـه=باسمه ينادي من وطـاه الزمانـي
ابيض وجه في مامضى من مماشيه=والمقبـلات تـزود فيـه الامانـي
والختم ياسامـع كلامـي وموحيـه=صلاة ربـي عـد وبـل الغشانـي
على نبيٍ واضـح الديـن مبديـه=رسولنـا محمـد صـلاةٍ وامانـي
وسوالم,,,
مجناه مـن كـلّاب زيّـن مباديـه
العرض العادي
