أنا زعلـت و للزعـل عـدة أسبـاب

[عيد المخاريم]

[color="dimgray"]قالها في
الأمير فيحان بن خلف بن قويد رحمه الله[/color]

أنا زعلـت و للزعـل عـدة أسبـاب=و تراكمً زعـل النفـوس و غضبهـا
أزعل على رجل وطت شجـرة الـداب=حتـى تلـوى شوكهـا فـي عصبهـا
و أزعل على حـظ رمانـي بالأنشـاب=و أزعل علـى نفـسٍ قليـل شببهـا
و أزعل على ربعٍ غدو عقبنا أحـزاب=للهون و الحقـران ربــي وهبـهـا
وين الوفا يا أهل الوفا ويـن الأشنـاب=ويـن الرجـال اللـي يتحقـق طلبهـا
ما يمبني بيت بـلا أكـراب وأطنـاب=و لا تشتعـل نـار بلـيـا حطبـهـا
سر يا قلم و اكتب عن البال ما طـاب=ينطق بهـا لسانـي و فكـري جذبهـا
يجذبني المعنـى علـى فاتـح البـاب=شيخ علـى الشفـات يطلـق نشبهـا
شيخ السلف ما هوب من شيوخ الألقاب=شيخ الشيـوخ اللـي عريـبٍ نسبهـا
شيخ الدواسر متربـة جـرد الأرقـاب=ترعى الخطر و الشيـخ قايـد عربهـا
(فيحان) أخو جازى على العـز وثّـاب=و اللـي لـه الريشـة بيتـه نصبهـا
قله ترا نومي على الكـوع مـا طـاب=والنفـس يـا مشكـاي و لا طربـهـا
المشكلـة مهـره و للخيـل ركــاب=و أنت الشجاع اللـي رعابـك جنبهـا
أنا اصطفيتـك بـد ربعـي والأجنـاب=وأفـزع لمـن عينـه منامـه حربهـا
جاك الخبر من عنـد شاعـر وكتّـاب=و تحيـة الشاعـر مـع اللـي كتبهـا
أنا أبغى الخبر من عند فكاك الأنشّـاب=و اللـي إذا صعبـت ينـوخ صعبهـا

للشاعر سعود بن الأزرق المخاريم

 

[براك المخـاريم]

صح لسان الشاعر / سعود ألأزرق
ونعم بفيحان بن خلف ال قويد من قبيله نفخر بتاريخهم وتنومسنا مواقفهم لكن ...
لو ان الشاعر سلم من قوله:

شــيـــخ الــدواســـر مـتــربــة جـــــرد الأرقـــــاب =تــرعــى الـخـطــر و الـشـيــخ قــايــد عـربــهــا

فاماره الدواسر لاتاتى بشطر بيت ,,,
ولاهنت ياعيد على النقل تحياتى لك,,,